Museo da Catedral de Santiago de Compostela
O Museo foi fundado no ano 1930 e nel se recollen as pegadas da extraordinaria historia do Santuario no que se custodian os restos do Apóstolo. Ó tempo, é “Memoria da peregrinación” a través das pezas de diferentes épocas e materiais que se poden contemplar durante a visita.
Na actualidade, o percorrido do Museo inclúe catro zonas que se atopan en distintas dependencias da Catedral compostelá, permitindo un completo coñecemento da historia e importancia artística dun centro no que a cultura e o culto teñen un carácter universal.
Baixo as escaleiras da fachada do Obradoiro atópase a Cripta do Pórtico da Gloria –obra do Mestre Máteo–, que salvaba, coa súa construción, o desnivel da Catedral coa Praza do Obradoiro, ó tempo que desenvolvía un completo programa iconográfico nunha arquitectura exemplar que acolle, na actualidade, pezas diversas.
Nun lateral da fachada do Obradoiro está a porta principal do Museo, dende a que se percorren catro plantas do lado oeste do edificio do Claustro catedralicio. Nel se realiza unha viaxe no tempo á historia da Catedral e da cidade de Compostela que teñen os mellores exemplos nos restos arqueolóxicos; na reconstrución do Coro Pétreo do Mestre Mateo, que no seu tempo ocupaba a nave maior da Basílica; pezas que resumen o devagar histórico e artístico da Catedral; a Biblioteca, onde se atopa o Botafumeiro, a Sala Capitular, ou o Claustro renacentista e a gran colección de tapices que inclúe obras sobre cartóns de, entre outros, Rubens, Teniers e Goya.
No Tesouro e a Capela das Reliquias, ubicadas nun dos laterais do Claustro, custódiase unha destacada mostra da arte sacra e a ourivería relacionadas coa Catedral e o fenómeno xacobeo, e se atopan os sepulcros de reis de León e algúns familiares.
Finalmente, o Pazo de Xelmírez, edificio senlleiro da arquitectura civil medieval, dedícase habitualmente á celebración de exposicións temporais, destacando a Sala de Cerimonias e a Salaá de Armas. Dende Xelmírez se comeza a visita ás Cubertas de pedra da Catedral, unha oferta complementaria do Museo que constitúe unha experiencia inesquecible e se realiza en grupos guiados, sendo aconsellable facer uso do servizo de reservas.
Enderezo:
Pza. do Obradoiro s/n
15704
Santiago de Compostela
Teléfono: 981 560527
Fax: 981 563366
E-mail: museocatedral@archicompostela.org
E-mail visitas: edumuseocatedral@archicompostela.orgWeb: www.catedraldesantiago.es
Horario:
1 de outubro – 31 de maio
Luns a sábado: 10 a 13,30 e 16 a 18,30h Domingo: 10 a 13,30h
1 de xuño – 31 de setembro
Luns a sábado: 10 a 14 e 16 a 20h
Domingo: 10 a 14h
Días de peche: /
Servizos: | |
---|---|
Prezo da entrada | 5 € |
Grupos, estudantes, 3ª idade e peregrinos: | 3 € |
Grupos escolares (previa reserva): | 1 € |
Biblioteca / centro de documentación | SI |
Tenda / venda de publicacións | SI |
Instalacións adaptadas á diversidade funcional | / |
Visitas ás cubertas:
(acceso por Pazo de Xelmírez)
Teléfono. información e reservas: 981 552985
Fax: 981 554403
E-mail: cubiertascatedral@archicompostela.org
Web: www.catedraldesantiago.es
Web: www.catedraldesantiago.es
Horario:
Luns a domingo: 10 a 14 e 16 a 20h
Tarifas | |
---|---|
Xeral | 10 € |
Reducida (grupos, estudantes, 3ª idade, peregrinos e visitantes do Museo) | 8 € |
Centros educativos e asociacións: consultar tarifa especial. |
Temática:
Belas artes